duskant sutherland


a) Die Calvinisme wat ek nie leer verstaan het nie: Genade
Augustus 16, 2009, 9:04 nm
Filed under: Gedagtes

Om deesdae (positief of negatief) oor Calvinisme te praat is soos om ‘n stinkwind in ‘n hysbak te los…almal doen dit suutjies en vingerwysend. En tog – hierdie preokkupasie spreek van ‘n worsteling, eintlik ‘n kaalvuis baklei teen ‘n ding binne ons…’n deel psige wat ons dalk nie meer wil verstaan nie.

Dit dan ter sake bevind ek my anderdag in die volgende gespreksituasie:

Ek: “Ja…om ‘n gesonde baba te hê is ‘n groot genade, né…”

Persoon: “So jy impliseer dat God se genade nie rus op ‘n ma wat ‘n miskraam gehad het nie?”

Eina.

Net daar besef ek watter verdraaide verstaan ek van genade het. Skuus…watter verdraaide beeld ek van God het. Want vanuit die Calvinisme is ons mos nie veel meer as swak sondaards wat leef van die een sanitiserende genademoment na die volgende nie. En min weet ons dat daar ‘n gebroke wêreld vol foute, seer en verstaan daar buite huiwer. ‘n Wêreld waar die Geneesheer éintlik Sy voete vuilmaak om verby teologie en ideologie te gaan gesondmaak.

Deur genade? Nee, deur léwe… landscape38

Advertisements

5 Kommentaar so far
Lewer kommentaar

Ek dink nie dis verkeer om na ‘n baba as ‘n genade gawe van God te verwys nie. Dit hoef nie te impliseer dat enigiemand anders om watter rede ookal nie God se genade verdien nie. Die woord genade beteken tog juis iets wat nie verdien word nie. God gee gewoon sy genade waar Hy wil.

Kommentaar deur flippiefanus

Ja presies.

Suutjies met met wysende vingers is juis ook trap in daai ene.

Kommentaar deur rosalindfranklin

so waar!
en wat van om ‘n gesonde baba te hê is ‘n seën.
of om ‘n miskraam te hê is ‘n seën. ek weet dit klink vergesog, maar wat ‘n fetus wat deur die natuur (lewe) verwerp word voor geboorte, omdat die verwagting van oorlewing skraal is.

Kommentaar deur Pluim

Om ‘n gesonde baba te hê ís genade. Dit impliseer nie dat God se genade nie rus op iemand wat ‘n miskraam gehad het nie – die grootste genade van alles was die geskenk van Jesus! Beskikbaar vir almal!

Ons leef in ‘n gevalle wêreld – hartseer is deel van ons bestaan. Alle goeie dinge kom van God af. Dis genade! ‘n Miskraam self is nie ‘n seën nie, dis ‘n hartseer ding om deur te maak, maar net daar is weer die genade wat ons kry om so iets deur te maak en sterker anderkant uit te kom.

Calvinisme of te not – sonder God se genade is ons almal verlore!

Ons moet net ‘n begrip kry van die grootheid van God se genade, sodat ons dit aan ander kan betoon in hierdie gebroke wêreld vol seer en foute…

Kommentaar deur ilse

thank you… what a true word… this is truly GOD-inspired??
Askies in engels. dankie!

Kommentaar deur laura




Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s



%d bloggers like this: