duskant sutherland


Rugby WB 2007 Bepalings
Augustus 30, 2007, 11:59 vm
Filed under: Goeters

Ek is ‘n groot rugbyliefhebber en kan nie meer wag vir die Wêreldbeker nie! Nouja, vir ‘n lusmakertjie hier is die bepalings.

Sterkte Bokkies, my geld is (altyd!) op julle.

D Span 1   Span 2 Groep Plek Begin*
07 Frankryk t Argentinië D St. Denis 21:00
08 Nieu-Seeland t Italië C Marseille 13:45
08 Australië t Japan B Lyon 15:45
08 Engeland t VSA A Lens 18:00
09 Wallis t Kanada B Nantes 14:00
09 Suid-Afrika t Samoa A Parys 16:00
09 Skotland t Portugal C St. Etienne 18:00
09 Ierland t Namibië D Bordeaux 20:00
11 Argentinië t Georgië D Lyon 20:00
12 VSA t Tonga A Montpellier 14:00
12 Japan t Fidji B Toulouse 18:00
12 Italië t Roemenië C Marseille 20:00
14 Engeland t Suid-Afrika A St. Denis 21:00
15 Nieu-Seeland t Portugal C Lyon 13:00
15 Wallis t Australië B Cardiff 15:00
15 Ierland t Georgië D Bordeaux 21:00
16 Fidji t Kanada B Cardiff 14:00
16 Samoa t Tonga A Montpellier 16:00
16 Frankryk t Namibië D Toulouse 21:00
18 Skotland t Roemenië C Edinburgh 21:00
19 Italië t Portugal C Parys 20:00
20 Wallis t Japan B Cardiff 21:00
21 Frankryk t Ierland D St. Denis 21:00
22 Suid-Afrika t Tonga A Lens 14:00
22 Engeland t Samoa A Nantes 16:00
22 Argentinië t Namibië D Marseille 21:00
23 Australië t Fidji B Montpellier 14:30
23 Skotland t Nieu-Seeland C Edinburgh 17:00
25 Kanada t Japan B Bordeaux 18:00
25 Roemenië t Portugal C Toulouse 20:00
26 Georgië t Namibië D Lens 18:00
26 Samoa t VSA A St. Etienne 20:00
28 Engeland t Tonga A Parys 21:00
29 Nieu-Seeland t Roemenië C Toulouse 13:00
29 Australië t Kanada B Bordeaux 15:00
29 Wallis t Fidji B Nantes 17:00
29 Skotland t Italië C St. Etienne 21:00
30 Frankryk t Georgië D Marseille 15:00
30 Ierland t Argentinië D Parys 17:00
30 Suid-Afrika t VSA A Montpellier 20:00
D Span 1   Span 2 Groep Plek Begin*
06 W Groep B t NW Groep A Kwart. 1 Marseille 15:00
06 W Groep C t NW Groep D Kwart. 2 Cardiff 21:00
07 W Groep A t NW Groep B Kwart. 3 Marseille 15:00
07 W Groep D t NW Groep C Kwart. 4 St. Denis 21:00
13 W Kwart. 1 t W Kwart. 2 Half. 1 St. Denis 21:00
14 W Kwart. 3 t W Kwart. 4 Half. 2 St. Denis 21:00
19   t   Brons Parys 21:00
20   t   Eind. St. Denis 21:00


…ens.
Augustus 29, 2007, 9:03 vm
Filed under: Grappe

zapiro.gif



Pretoria vs. Tshwane Hoofstuk 21
Augustus 29, 2007, 8:55 vm
Filed under: Geite

Ek lees vandag in die Beeld dat die ewige naamstryd oor Pretoria voortduur. Kyk, ek is nie een vir politieke nonsens nie maar as daar nou een ding is wat my briesend maak is dit intimidasie en subjektiwiteit onder die strooisuiker-vaandel van demokrasie en transformasie. En watter uitwerking het ‘n opmerking soos die volgende snedige dreigement deur mnr. Blanco Mabaso, sekretaris van die ANC in die Tshwane-metropool werklik op versoening:

“Wees dankbaar daar is nog ’n woonbuurt met die naam Pretoria. Moenie die ANC in die versoeking bring nie, ons sal dit óók verander.”

Vir my is dit ‘n hartseer dag as ‘n sanger soos Steve Hofmeyer as teenwoordigheid van almal wat ‘n Afrikaner-erfenis wil bewaar moet opstaan en stem dik maak. Nie dat ek iets teen Steve het nie maar wanneer gaan diegene wat om braaivleisvure, in die werkplek en op blogs 🙂 kla oor die verlies van ‘n kulturele identiteit pro-aktief druk begin toepas oor ons konstitusionele reg om te wees wie ons is en trots te wees op waar ons vandaan kom…

 Ai… 

Dankie Steve.

steve1.jpg



Karoo Kiekies
Augustus 28, 2007, 9:39 vm
Filed under: Kiekies

collage.jpg

Vir die onthou se onthalwe (en die bietjie verlang)…



Totsiens…
Augustus 24, 2007, 8:35 vm
Filed under: Ongekategoriseerd

xan.jpg

Ek sê vir julle totsiens. Ek sal julle ongelooflik mis.

Dis half swaar…



ongetiteld
Augustus 23, 2007, 8:28 nm
Filed under: Gedigte

in die nag se sterre
lê die flitse van ons paaie,
die opkyk na die melkweg se blou

in die nag se sterre
lê die spore van ons dag,
die liggies van gister en nou

in die nag se stilte
lê die komete van ons grootword
die rooiwyn van ons onthou

in die nanag van ons saamloop
stap my gedagtes afdraaipaadjies na jou
en wonder ek waar die tent vir jou siel vannag staan

in die laaste donker dans jy die riel
-‘n skadu teen die suiderkruis-
en dink ek my na eendag terug

in die rooidag van ‘n dooie vuur
sit ek en jy
weer
en wag dat die vroe-more se
Kelkiewyn
ons storie laat kom rym

23 – 08 om 23:08



…en wie was Herman?
Augustus 16, 2007, 11:28 vm
Filed under: Goeters

 koos5.jpg

Ken jy Koos se song “Herman”? Ek moet sê dat ek die meeste hou van diè Koos-songs wat stories vertel…van mense en plekke. “Herman” is een van hierdie songs…

Johann Pheiffer, goeie vriend van Koos, vertel:

Ons was ‘n jolige klomp in Durban in die sestigerjare… Koos se boesemvriend Douglas Davis was saam met my en Herman Hurter by die SAUK, Charl Thom wat saam met Koos by die Nataller gewerk het, het ‘n woonstel met Herman gedeel.

My sangoptredes saam met Gert van Tonder, as die voorloper van Groep Twee, was goed op dreef, hoewel Gert toe reeds na Johannesburg vertrek het. Vir Koos was ‘n sangloopbaan iets waaraan hy glad nie gedink het nie.

Daar is baie gegorrel en gekuier en veral Herman het altyd gepraat oor hoe hy en wie ookal wil saamkom op ‘n seiljag Bahamas toe gaan vaar. En na Java en Malta en Zanzibar…

“Die skip is in die baai…gooi die hamer in die hoek….die otter is in die botter…” só het liewe Herman, die skaam seun van Robertson, ‘n uitdrukking vir alles gehad.

Hier teen die derde week van die maand was Herman platsak en hy het dan sy saksofoon na ‘n pantjieswinkel geneem.  Tot betaaldag, wanneer hy teruggegaan het om dit terug te koop.  Dit het verskeie kere gebeur, vertel Charl.

En daar is baie getokkel.  Op Herman se stukkende ou kitaar.

Al was dit soms reeds laat in die nag, het Koos se woorde, wat so spontaan gekom het, ons laat besef dat hy ‘n diep mens is.

(Jare later het Douglas en Koos in Hillbrow gewoon en ná ‘n middernagtelike wandeling deur die strate van Hillbrow het Koos Sprokie vir ‘n Stadskind binne ‘n paar ure opgetower).

Op die dag wat ek hierdie stukkie skryf, tree Douglas af by die Universiteit van Stellenbosch. Charl is reeds afgetree en woon aan die Weskus.

En Herman?

Hy het dit nie gemaak nie. 

25 jaar is die ouderdom wat aan hom gegun is. Motorongeluk.

Kort daarna daag Koos by die woonstel op. In die hoek staan die stukkende kitaar, so tussen klompe wit kouse wat Herman altyd gedra het.  Hy wil graag die kitaar hê.

Met die kitaar in die hand en vol heimwee oor sy vriend en hulle onvervulde drome, skryf Koos sy liedjie, Herman:

Herman, jou skepe
le weer in die baai
hulle kom van ou oorde
waar ver winde waai
van Java en Malta
Beiroet en Bombaai
maar waar jy vanaand is
kan ons maar net raai

ons wou nog praat
oor Leningrad
Khartoem en Zanzibar
toe laat jy vir my
alleen agterbly
met ‘n droom en ‘n gebreekte kitaar



Wie was Koos…
Augustus 16, 2007, 11:10 vm
Filed under: Goeters

So gepraat van KoosduP, hier volg ‘n paar interessante feite oor hom wat jy dalk nie geweet het nie: 

Koos du Plessis is as Jacobus Johannes du Plessis op 10 Mei 1945 in Rustenburg gebore.

Koos het ‘n onderwysdiploma aan die Pretoriase Normaalkollege behaal, asook ‘n BA-graad met spesialisering in Afrikaans by TUKS.

Koos het ‘n BA honneursgraad in Afrikaans-Nederlands aan die Universiteit van die Witwatersrand verwerf.

Koos het vir Mornay du Plessis, met wie hy in Junie 1969 getroud is, gedurende sy studentejare in 1964 ontmoet.

Koos het as joernalis, subredakteur en nuusredakteur by verskeie publikasies gewerk, onder meer Oggendblad, Die Vaderland, Die Nataller en Die Transvaler.

Vanaf 1973 tot en met sy dood in 1984 was hy woonagtig in Wierdapark, Pretoria.

Koos het reeds liedjies begin skryf tydens sy studentejare aan die Pretoriase Onderwyskollege.

Koos se musiek word meestal verbind met die sogenaamde Musiek & Liriek-beweging, wat in die 1970s op die Afrikaanse musiektoneel vlamgevat het.

‘Kinders van die Wind’ is reeds in 1967 geskryf.

Koos was gek oor die musiek van Kris Kristofferson en Roger Whittaker

Nick Taylor het in 1977 van Koos se liedjies aan die luisterpubliek bekendgestel.

‘n Vertaling in Engels van ‘Skadu’s teen die muur’ is deur Nick taylor opgeneem.

Koos se eerste album, Skadu’s teen die muur is in 1979 vrygestel.

Aan die einde van die 1970s word ‘Kinders van die Wind’ vertolk deur Laurika Rauch gebruik vir die TV program, Phoenix en Kie en word die lied bekend.

‘Sprokie vir ‘n Stadskind’, ‘Skielik is jy Vry’ en ‘Die Somer is Verby’ is ook in Phoenix en Kie ingesluit.

Laurika en Koos het net 7 weke na die “bekendstelling” van ‘Sprokie vir ‘n Stadskind’ goue plate vir verkope van meer as 25 000 kopieë van die album ontvang.

Die pianis Richard Clayderman het in 1982 ‘n musikale weergawe van ‘Kinders van die Wind’ onder die Engelse titel ‘Children of the Wind’ opgeneem.

Koos was akteur in die titelrol van die televisie-program Jopie Adam, waarvoor hy ook die liriek vir die kenwysie, ‘Neem my saam’, geskryf het.

Koos het in die vroeë oggendure van 15 Januarie 1984 op die ou Krugersdorppad in Knoppieslaagte verongeluk.

In 1985 verskyn Om jou verlaas te groet, ‘n versameling gedigte saamgestel deur Fanie Olivier.

In 1987 word “Koos se Plaat – ‘n Huldeblyk aan Koos du Plessis”, opgeneem deur Nick Taylor.

In 1995 verskyn ‘n tweede versameling nagelate gedigte met die titel “Skink nog ‘n uur in my glas – Nagelate Verse”.

‘Somerkersfees’, wat Koos spesiaal geskryf het vir kinders in die suidelike halfrond vir wie ‘n kersfees met sneeu nie ‘n werklikheid is nie is opgeneem in die NG-kerk se nuwe sangbundel onder die titel ‘Welkom, o stille nag van vrede’.

koos4.jpg

koos1.jpg

koos3.jpg



ware wysheid
Augustus 15, 2007, 11:36 vm
Filed under: Gedagtes

to know all

is to forgive all

My ouma het dit altyd gesê en dit is heel moontlik een van die grootste waarhede wat ek met my saamdra. Dit is ook die beste resep om die mense rondom jou te leer verstaan en hulle te aanvaar.



‘n Najaar in die vreemde
Augustus 13, 2007, 4:35 nm
Filed under: Ongekategoriseerd

My beste vriend en sy meisie is oppad om vir 5 jaar in NY Amerika te gaan verder swot. Mense ek gaan julle mis…Ek dra my gunsteling Koos DuP song aan julle op en glo dat julle nie die velde van Transvaal en die branders van Natal sal vergeet nie…

nog ‘n najaar in die vreemde
met my drome sonder tal
en ek weet die winter kom weer
met sy sneeu wat ewig val

ek ken die Rynland-nagte
die Alpe met sy sneeu
die Swartwoud se geheime
en die liedjie van ‘n meeu

maar hier buite sterf die somer
en ek sien die blare val…
en iewers skyn die somerson
op die velde van Transvaal
en erens dreun die branders
aan die strande van Natal

ek sit soms en ek luister
of ek dalk in die wind
die Vrystaat en die Boland
se stemme terug kan vind

ek ken die Spaanse nagte
die Alpe met sy sneeu
ou Amsterdam se gragte
en die liedjie van ‘n meeu

canyon-482.jpg